Ниһаять, көтеп алынган «ҖырлаОке» бәйгесе 6 октябрьдә башлана

⠀
Бәйгенең максаты-татар музыкасы турында белемнәрне иҗади процесс аша тирәнәйтү.
Бәйгедә Яр Чаллы шәһәре уку йортларының югары һәм һөнәри белем бирү оешмалары студентлары катнашачак.
Катнашыр өчен 6 кешедән торган командалар чакырыла.

 Һәр команданың исеме һәм капитаны булырга тиеш.

Гаризалар 3 октябрьгә кадәр электрон адреска кабул ителә: mizgel1919@mail.ru.
Музыкаль бәйге өч этапта узачак:
1 этап - 6 октябрьнең 15.00 сәг.;
2 этап - 10 октябрьдә 15.00 сәгатьтә.;
3 этап – 17 октябрьдә 15.00 сәгатьтә (финал).
⠀
Беренче этап кысаларында түбәндәге биремнәр үтәчәк:
«Караоке-баттл»: командаларга алдан әзерләнгән җырны бөтен команда белән башкарырга туры киләчәк;
«Билгеле бер темага җырны искә төшерү»: командаларга бирелгән темага мөмкин кадәр күбрәк җырларны искә төшерергә кирәк булачак;
«Көйне искә төшерү»: командаларга кечкенә генә өзек ярдәмендә җырны танып белергә кирәк булачак.
⠀
Җиңүчеләр дипломнар алачак.